د سرپرست حکومت اداري مرستيال د اسلامي همکاريو د سازمان د مشر په ليدنه کې د دغه سازمان او د سرپرست حکومت د اړيکو په پياوړتيا ټينګار کړی دی.
نوموړي د دغه سازمان له مرستيال او دغه راز افغانستان لپاره د ياد سازمان له ځانکړي استازي طارق علي بخيت سره ليدلي او د حکومت د لاسته راوړنو په اړه يې ورسره معلومات شريک کړي دي.
اداري مرستيال له دوی غوښتي چې د افغانستان واقعيتونه نړۍ ته منعکس کړي.
هغه دغه راز ويلي، د اسلامي همکاريو سازمان دې په ګامبیا کې جوړېدونکې غونډې ته د سرپرست حکومت استازي وغواړي چې د ياد سازمان له مشورو برخمن او همداراز په افغانستان کې شته واقعتونه تر دغه سازمان ورسوي
ورته مهال بيا په دغه ليدنه کې ياد سازمان له افغانستان سره د هر اړخيزې همکاري ډاډ ورکړی او ويلي يې دي، له افغانستان او نورو اسلامي هېوادونو سره د مرستې لپاره يې له دوو نړيوالو موسسو سره هوکړه ليکونه لاسليک کړي دي.
