اروپايي ټولنې له افغانو زيانمن شويو او له پاکستانه راستانه شويو کډوالو سره د مرستې په پار د ۶۱ ميليونه يورو مرستې خبر ورکړی دی.
اروپايي ټولنې د يوې خبرپاڼې په خپرولو سره ويلي، چې د مرستو له نويو کڅوړو به ۶۰ ميليونه يورو په افغانستان کې شته فعالو بشري سازمانونو او ۱ ميليون هغه به یې پاکستاني موسسو ته وسپاري.
يادې ټولنې دا هم ويلي چې دا مرستې به افغانستان کې د خوارکي توکو د ناورين د هواري لپاره ولګول شي.
له دې بودجې سره به د هېواد په لوېدیځ کې د زلزلې ځپلو خلکو ته سرپناه، روغتیایی خدمتونه، اوبه او خواړه برابر شي او همدارنګه د دې بودجې یوه برخه به له پاکستان څخه افغانستان ته د راستنېدونکو افغانانو پر ملاتړ ولګول شي.
