د کورنيو چارو سرپرست وزير په کابل کې د افغانستان لپاره د اروپايي ټولنې له سفيرې رافيلا يوديچه سره ليدلي.
نوموړي ويلي، د مسايلو د ښه حل په موخه دې د افغانستان سرپرست حکومت ته په نړيوالو بنسټونو کې غړيتوب ورکړل شي، ترڅو افغانان وکولای شي خپله ريښتينې استازولي وکړي.
نوموړي همداراز ويلي، هېواد يې له اوږدې جګړې وروسته د ځان بسیاينې په لور روان دي او خلک هم د فزيکي او رواني امنيت احساس کوي.
رافيلا يوديچه په دغه ليدنه کې له افغانستان سره د بشري مرستو ډاډ ورکړی او د امنيت د ټينګښت په برخه کې يې د سرپرست حکومت هڅې ستايلي.
