د کډوالو نړیوال سازمان «IOM»وايي، له ۲۰۲۱ کال راهیسې د ګڼو افغانانو عاید یا کم شوی او یا هم له منځه تللی دی.
د دې سازمان په وینا، په دغسې حالاتو کې زلزلو او له ګاونډي هېواد پاکستان نه په اجباري ډول د افغانانو ایستلو وضعیت لا پسې خراب کړی چې تر ټولو ډېر زیان یې ښځو او ماشومانو ته رسېدلی دی.
د کډوالو نړیوال سازمان د اټکل له مخې، افغانستان کې د ناوړه اقتصادي وضعیت له امله اتیا سلنه اغېزمن شوي کسان ښځې او ماشومان دي.
دا په داسې حال کې ده چې د ملګرو ملتونو اړوندې ادارې ویلی، په افغانستان کې ۲۳ اعشاریه اوه میلیونه وګړي بشري مرستو ته اړتیا لري.
حبیبه صها
