د اسیاـ پیسپیک همکاریو سازمان عمومي غونډې ته له چمتووالي سره پر یو وخت؛ شمالي کوریا لنډ واټن ویشتونکي توغندي ازمویلی، چې د جنوبي کوریا غبرګون یې راپارولی دی.
د جنوبي کوریا یو خبري اژانس ویلي، چې څو لنډ واټن ویشتونکي توغندي د دغه هېواد د شمال ختیځ له برخو تېر شوي.
د سرچینې د معلوماتو له مخې، جنوبي کوریا په دې اړه امریکا او جاپان ته هم معلومات ورکړي او دغه راز یې د خپل پوځي چمتووالي کچه هم لوړه کړې ده.
د يادونې وړ ده چې شمالي کوريا څه موده وړاندې د «هواسونګ-۲۰» په نوم داسې توغندی و ازمايه چې له شمالي کوريا امريکا په نښه کولای شي..
