نن او سبا د هېواد په ۱۶ ولایتونو کې د باد، باران او سیلابونو راوتلو اټکل شوی

د ټرانسپورټ او هوایي چلند وزارت د هواپېژندنې اداره وایي، نن او سبا به په بدخشان، نورستان، پنجشیر، کونړ ننګرهار، لغمان، کابل، لوګر، میدان وردک، پکتیا، پکتیکا،خوست، غزني، زابل او کندهار ولایتونو کې د تېز باد، باران، تالنده برېښنا او د سیلابونو راوتلو اټکل شوی دی.

یاده اداره وایي، په بیلابیلو سیمو کې د باران  کچه له ۱۵ تر ۴۰ اټکل شوې ده.

سرچینه وایي، په شمال ختیځو، شمالي، لویدېځو، سوېلي او مرکزي ولایتونو کې د سالنګونو په ګډون تېز باد، خاور او دوړو د پېښدو اټکل شوی چې د سرعت کچه په بیلابیلو سېمو کې له ۵۰ څخه تر ۸۰ کلیومتر په ساعت ښودل شوې ده.